القناة – وجدان بنوا
أعربت الفنانة نادية العروسي، عن دعمها لزميلتها الفنانة سعيدة شرف، إثر تعرضها مؤخرا لانتقادات بسبب لجوئها للقضاء، بعد سبها وقذفها من طرف بعض المؤثرين.
ونشرت نادية العروسي، تدوينة مطولة جاء فيها: “بزاف ديال الناس كيعاتبو الفنانة والزميلة ديالنا فالمجال الفني علاش كتوجه القضاء فكل مرة كيسبها شي . فالسوشيال ميديا او الحمام ميديا حيت مواقع التواصل الاجتماعي رجعات حمام عامر بالذباب الإلكتروني او بمفهوم آخر بناس جهلاء يجهلون القانون”.
وأضافت العروسي: “سعيدة شرف مدعاتش ناس عايروها فالخفاء او سبو ليها والديها فالخفاء وبينها وبينهم فالسر لا هي قامت بشكوى ضد ناس عيّروها أمام الملأ بالصوت والصورة يعني التشهير وسعيدة كونها أم لوليدات صغار ميمكنش كل مرة تدخل تلقا من هب ودب كيعايرها وليداتها كيتوصولو بالفيديوهات ونفسيتهم تدمر بالعكس سعيدة كانت ارقى من ذلك فعوض مدير خرجات دون المستوى او تعاير هي فضلات الرد يكون بطريقة قانونية وحنا كلنا ثقة فالقانون ديالنا فالبلاد القانون عمرو ظلم حتى واحد الحمد لله سعيدة قامت بالصواب وكانت هي سبب فقط بها باش حتى المواطن العادي يلا تعرض للتنمر او السب والشتم والتشهير فمواقع التواصل الاجتماعي يلتجأ للقانون ومياخدش حقو بيديه حيت القضاء المغربي موجود لخدمة المواطن”.
وتابعت: “ماشي عيب تشد لكلاستور وتمشي للمحكمة باش طالب بحقك العيب هو تنزل لمستوى ديال هادوك للي كيعايروك وتولي معاهم فالرد الخاوي حتى تجيب الربحة او محيت سعيدة وجه إعلامي جاتكم عيب تمشي بلكلاستور كون كانت مواطنة عادية يعني ممسلطاش عليها الأضواء وماشي فنانة كون كلشي ساندتوها وقلتو كلنا سعيدة راه حتى حنا مواطنين والوطنية تجري فعروقنا وعندنا حق بحالنا بحالكم يلا آذانا شي واحد نستاعنو بالقضاء للي كيحمينا وكيحمي بلادنا من بعد الله سبحانه وتعالى ياما قالو عليها صوتك خايب كتهرنطي ماشي ديال الغناء ها قاضات شي حد حيت فالفن كلها ورأيو وكل فنان عندو جمهورو والستيل ديالو والساحة الفنية تسع للجميع راه كاين للي معندوش گاع الصوت وعندو قاعدة جماهرية واسعة وأصبح من أغنياء الفنانين فالمشرق غي بشكلو او ضحكتو وتعاملو الراقي مع الناس”.