القناة – وجدان بنوا
هدد الممثل الكوميدي عبد العالي لمهر الشهير بـ”طاليس”، بفضح فنان كوميدي معروف، دون الكشف عن هويته، بسبب إساءة هذا الأخير للعديد من الفنانين.
ونشر “طاليس”، تدوينة مطولة على “ستوري”، حسابه الرسمي على موقع التواصل الاجتماعي “انستغرام”، قال فيها: “كبير فلعمر، وعندو اللي يغنيه على الدنيا ويفكر فآخرتو اللي ماوجد ليها والو من غير الضرب والسب في أعراض الناس ولكن باقي طامع فهاد فالدنيا اللي عاشها بالطول والعرض، ما كايشبعش ولا كايقنع من الفلوس، وحارب ومازال كايحارب طاشمة ديال الناس باش مايخدموش وخصوصا الشباب هوما كايخافو منو ولكن أنا لا لأن الخوف من الله سبحانه وتعالى، أنا ماشي بحال لخرين، ما كانتسناك لا تخدمني ولاتعيط ليا لشي عمل حيت لا يشرفني العمل مع أمثالك هاد الشخص ما كايفرح ولا يتهنا حتى يسمع فضيحة على شي واحد ولا يقدر إيصنعها كاع عاد باش إيتهنا”.
وأضاف: “يقتات ويعيش على مصائب الناس وكايدير المستحيل باش إيبان زوين واخا أخبث منو ما كاين فينما تاحت ليه الفرصة فالتلفازة ولا فشي لقاء كايطيح الدموع باش يكسب التعاطف زعما أنا راه زوين وكنبغي الخير لكلشي “.
وأكد طاليس في تدوينته، التي أثارت الجدل في الساعات الماضية، بالكشف عن هوية هذا الفنان قريبا قائلا: “قريبا قسما بالله إلى قريبا غانسميه بالإسم والدلائل اللي هو شادها على عباد الله وكايهددهم بيها الفن أيها الفنان أخلاق واحترام للناس والنجومية لا تدوم وأنا موجود معاك للحرب اللي أنت بديتيها وباديها من شحال هادا أرا ماتصلح فليماج وتقاد وتزوق هادا إنذار أنا عارفو غايوصلك.. لن أحترمك لأنك لا تحترم أحدا وقسما بالله حتى غانكون أنا سبابك ونرد ليك شوية من بزاف دلحوايج ضريتي بيهم الناس، يلاه حرك التلفونات وعيط للشباب وتصور معاهم وكتب شي بيت شعري بايت من ذاك الشي اللي كاتعرف دير ولا عيط لأشباه الصحافيين اللي خدامين معاك على قبلي مع احترامي للصحافيين النزهاء واللي عندهم مصداقية ومحتارمين تاريخك رغم إتساخه وكبر السن ديالك اللي أنت مامحتارموش وختاما أنا معاك حوروبات، حرب كانت غير علنية ولكنها ستصبح علنية “.