القناةـ وجدان بنوا
ردت الفنانة المغربية، سناء عكرود، على اتهامات وانتقادات متابعيها، لدخولها المطبخ، وابتعادها عن عملها كممثلة ومخرجة، خصوصا بعد أن طال غيابها عن الشاشة التلفزية الوطنية.
وكتبت عكرود تدوينة مطولة على حسابها الرسمي على مواقع التواصل الاجتماعي ” انستغرام” قائلة: “كيكتبوا ليا بعض الناس وكيقولوا قابلتي الطواجن والكوزينة والولاد ونسيتي راسك وخدمتك بلا ما تهزوا ليا الهم، كندير الولاد و کنرضعهم ونا هازة كتاب فيديا، كنتصور معاهم ونا مشنتفة وماشابعاش نعاس”.
وتابعت : “لكن فالغد ليه كنلبس مزيان ونخرج ونسهر ونشطح ونموت بالضحك، كنكتب و كندير الاخراج و الانتاج و التمثيل، خدیت جوائز و شهرة و اشادة بالخدمة ديالي الحمد لله و الشكر لله ، و للإشارة فقط، فاش علنوا بلي خدیت ثلاثة ديال الجوائز هنا فكندا على الفيلم الاخير ديالي “ميوبيا “، كنت فالكوزينة مشنتفة و هازة مغرفة كتحرك لا صوص لسباكيتي للعشا ، و شطحت بالفرحة أنا و المغرفة ديالي و ولادي کنكون بلدية و مدينية ، كنهز الحطب و نسكي الما و نکول اکسیون”.
وأضافت الفنانة : “كنهز بنتي فشوني و هي عندها ستة أشهر و كنطلع للمسرح باش نتسلم جائزة الاخراج و جائزة التمثيل و الجائزة الكبرى على عمل كتبتو و مثلت فيه و درت ليه الاخراج فاش كنت مقابلة الطواجن و الكوزينة و الولاد”.
واختتمت عكرود تدوينتها قائلة: “لعيالات فالعالم كلو كيديرو بحالي و اكثر ، حتى حاجة ما كتخلعنا ، ماشي حيث حنا شدادات أو بغينا نتبتوا للعالم شي . حاجة ، لا . ، حيث حنا : عيالات”.
https://www.instagram.com/p/CZG4ZJIOiKn/?utm_source=ig_web_copy_link