القناة – وجدان بنوا
ردت الفنانة نجاة عتابو على الانتقادات التي طالتها، بسبب تعليق لها على أداء أحد المشاركين في أولى برايمات برنامج اكتشاف المواهب الجديد “النجم الشعبي”.
واعتبر عدد من مستعملي منصات التواصل الاجتماعي، أن تعليق نجاة عتابو، كان قاسيا في حق المشترك، خاصة أنه لازال في بداياته.
وشاركت عتابو، مع متابعيها عبر حسابها الرسمي على موقع التواصل الاجتماعي “انستغرام“، تدوينة توضح من خلالها رأيها من هذه الانتقادات حيث كتبت: “سلام حبابي الأعزاء بغيت غير نوضح واحد المسألة. برنامج النجم الشعبي امانة على عاتقي وخاصني نكون حقانية وصارمة باش المتباري ياخد كلامي بعين الإعتبار لأن اكيد نصائحي غادي تنفعوا كاين فرق بين الصرامة والقسوة وباقي غتشوفوني صارمة اكثر و هادشي من غيرتي على ثراتنا وفننا حنا سنين وحنا فالميدان وحتا حنا غلطنا وتعلمنا وانا معروفة عليا انني صريحة”.
وتابعت: “فمنين قلت للمتباري أنه ماعطاناش اعتبار كلنا لاحضنا هادشي فاللجنة ولي وقف على هاد الملاحظة هي انا ولالة زينة حيت فعلا اول شرط فنجاح الفنان واستمراريته هو التواضع راه اللقطة تعاودات ولاحظنا هادشي عاد قلناه وکون مکانش موهوب ماكناش غنعطيوه صوتنا و بلا منحرق ليكم البرنامج لأن نصائحنا هما لي خلاتهم يمشيو بعيد. ولا يعقل نبقا غير كنمدح و نكذب عليهم ولكن هادشي مغينفعهم فوالو”.
وأضافت “كلنا كنعرفو ان الإنسان الا دويتي معاه بالضحك مكاياخدش الهضرة بعين الإعتبار والا دويتي بصرامة راه كيتمعن فكلامك وكان هذا هو المقصود وفاللأول والأخير راهم بحال وليداتي بغيت نشوفهم ناجحين ونخرجوا من هاد البرنامج فنان لي تمناو تشوفوه كيف بغيتوا وحبابي لي كيقولو كنغوبش راه بسبب تركيزي فالصوت واحيانا الإضاءة أما نجاة البشوسة هي لي كاينة عمرها تبدل. احبكم وتحياتي”.
ويشار إلى أن “النجم الشعبي“، يعرض حاليا كل يوم سبت على القناة الثانية (دوزيم)، وتضم لجنة تحكيمه نخبة من أشهر فناني الأغنية الشعبية، إلى جانب عتابو، عبد العزيز الستاتي، وحجيب، وزينة الداودية.
Voir cette publication sur Instagram